Sepleriň elýeterliligi

Dubaý Hamasyň söweşjeň lideriniň öldürilmeginde Ysraýyly günäkärleýär


Düýn Dubaýyň polisiýa edarasynyň başlygy Dahi Halfan Tamin şu ýylyň ýanwar aýynda Hamasyň söweşjeň lideriniň Dubaýda öldürilmegi bilen baglanyşykly waka boýunça Ysraýylyň premýer-ministri bilen razwedka agentliginiň başlygynyň tussag edilmegini talap etjekdigini mälim etdi.

«El-Jezire» telewideniýesine beren interwýusynda Dubaýyň polisiýa edarasynyň başlygy Dahi Halfan Tamin Hamasyň söweşjeň lideri Mahmud al-Mabhuhyň Ysraýylyň agentleri tarapyndan öldürilendigine doly diýen ýaly ynamynyň bardygyny aýtdy.

Ol Hamasyň söweşjeň lideriniň Ysraýylyň agentleri tarapyndan öldürilendigi subut edilen halatynda, Ysraýylyň premýer-ministri Benýamin Netenýahu bilen ýurduň razwedka agentliginiň başlygy Meýr Daganyň tussag edilmegini talap etjekdigini belledi.
XS
SM
MD
LG