Orsýetiň çempiony bolan «Rubin» bilen Germaniýanyň çempiony «Wolsburgyň» arasyndaky bu bäsleşik Germaniýada geçdi.
Bu komandalaryň Orsýetde geçirilen ozalky bäsleşigi 1-1 hasap bilen deňme-deň tamamlanypdy.
Düýn oýnuň birinji ýarymynyň 21-nji minudynda «Rubiniň» oýunçysy Alan Kasaýew hasaby açdy. Ýöne oýnuň ikinji ýarymynda, ýagny, 58-nji minudynda «Wolsburg» komandasyna hasaby deňlemek başartdy.
Şeýlelikde, oýnuň umumy wagty ýene 1-1 hasap bilen deňme-den tamamlanansoň, komandalar goşmaça berlen wagtda oýnamaly boldular. Goşmaça wagtda «Wolsburg» komandasy «Rubiniň» derwezesine ýene bir gol salyp, UEFA çempionatynyň çärýek finalyna çykdy.