Ses berişlikler barada çap edilen deslapky netijelere görä, Yragyň öňki premýer-ministri Aýad Allawiniň koalisiýasy premýer-ministr Nuri Al-Malikiniň toparyndan sähelçe köp ses aldy.
Saýlawlaryň ahyrky netijesi 26-njy martda yglan ediler.
Yragyň prezidenti Jalal Talibani we premýer-ministri Maliki sesleriň gaýtadan sanalmagyny talap edipdiler.
Yragyň saýlaw komissiýasynyň wekiliniň aýtmagyna görä, ses berişliklerde bolanlygy aýdylýan galplyklar barada derňewler geçiriler , emma sesler gaýtadan sanalmaz.
Saýlawlaryň ahyrky netijesi yglan edilenden soň, bu barada şikaýat bilen ýüzlenmek üçin 3 gün möhlet berler.