Oppozisiýanyň tarapdarlary Talas şäheriniň häkimini zamun alandyklaryny mälim etdiler.
Bu barada oppozision Ata-Meken partiýasynyň wekili Koýsun Kurmanaliýewany Reuters habar gullugyna häkimligiň binasynyň içinden maglumat beripdir.
Dürli maglumatlara görä, Talas şäherinde hökümetiň syýasatyna garşy protest demonstrasiýasyna çykan adamlaryň sany 5 müňe barabar bolup durýar.
Gyrgyzystanyň Içeri işler ministrligi bu mesele bilen bagly häzirlikçe kommentariýa bermekden saklanýar.
Talasda tertip-düzgüne gözegçilik edýän milisiýanyň işgärleri protestçilere garşy göz ýaşardyjy gaz ulanýarlar diýlip, habar berilýär.
7-nji aprelde Gyrgyzystanyň birnäçe şäherinde protest çäreleri planlaşdyrylýar.
Olarda oppozisiýa wekilleri ýurduň ýolbaşçylaryna ynamsyzlyk bildirmekçi.