Resmi maglumatlarda beýan edilişine görä, şu ýyl pagtaçylaryň döwlete tabşyrmaly plany 1 million 50 müň tonna diýlip bellenilýär. Saparmyrat Nyýazowyň döwründäki döwlet plany bilen deňeşdireniňde bu ýylky bellenilen pagta plany iki essedenem azdyr.
2006-njy ýyla çenli Türkmenistanda döwlete pagta tabşyrmak plany 2 million 200 müň tonnady. Ýöne welaýat häkimleri tarapyndan näçe artdyrylyp ýazylmalara ýol berlen bolsa-da, Nyýazowyň prezidentlik eden soňky on ýylynyň dowamynda Türkmenistan boýunça pagta plany dolmandy. Sebäbi döwletiň pagtaçylaryň öňünde goýýan borçnamasy olar üçin amala aşyryp bolmajak zatdy.
2007-nji ýylda ýurduň prezidentligine saýlanan Gurbanguly Berdimuhammedow pagta hem-de galla meselesindäki artdyrylyp hasabat bermeleriň nädogrudygyny aýtdy hem-de bu babatda ilat köpçüligine dogry maglumatyň berilmelidigini mälim etdi.
Prezidentiň bu sözlerinden soň, galla planynyň ýygnalyşy hakynda köpçülige resmi taýdan dogry maglumatlar berildi. Eger 2006-njy ýylda Türkmenistanda 3 ýarym million tonna galla ýygnaldy diýlip, şowhun edilen bolsa, onda 2007-nji ýylda Türkmenistanda 1 million tonna gallanyň ýygnalandygy barada resmi maglumat berildi.
Pagta boýunça döwlete tabşyrylmaly planyň şu ýyl 1 million 50 müň tonna diýlip bellenilmegi Türkmenistanda «ak altyny» hakykat ýüzünde näçerek öndürip bolýandygyndan anyk habar berýär.
Ýerli habarçynyň maglumatlary esasynda taýýarlandy.
2006-njy ýyla çenli Türkmenistanda döwlete pagta tabşyrmak plany 2 million 200 müň tonnady. Ýöne welaýat häkimleri tarapyndan näçe artdyrylyp ýazylmalara ýol berlen bolsa-da, Nyýazowyň prezidentlik eden soňky on ýylynyň dowamynda Türkmenistan boýunça pagta plany dolmandy. Sebäbi döwletiň pagtaçylaryň öňünde goýýan borçnamasy olar üçin amala aşyryp bolmajak zatdy.
2007-nji ýylda ýurduň prezidentligine saýlanan Gurbanguly Berdimuhammedow pagta hem-de galla meselesindäki artdyrylyp hasabat bermeleriň nädogrudygyny aýtdy hem-de bu babatda ilat köpçüligine dogry maglumatyň berilmelidigini mälim etdi.
Prezidentiň bu sözlerinden soň, galla planynyň ýygnalyşy hakynda köpçülige resmi taýdan dogry maglumatlar berildi. Eger 2006-njy ýylda Türkmenistanda 3 ýarym million tonna galla ýygnaldy diýlip, şowhun edilen bolsa, onda 2007-nji ýylda Türkmenistanda 1 million tonna gallanyň ýygnalandygy barada resmi maglumat berildi.
Pagta boýunça döwlete tabşyrylmaly planyň şu ýyl 1 million 50 müň tonna diýlip bellenilmegi Türkmenistanda «ak altyny» hakykat ýüzünde näçerek öndürip bolýandygyndan anyk habar berýär.
Ýerli habarçynyň maglumatlary esasynda taýýarlandy.