Moskwanyň “Domodedowo” aeroportynda partlama boldy.
Deslapky habarlara görä, azyndan 35 adam ölüp, 130 adam ýaralanypdyr.
Bu partlama janyndan geçen hüjümçi tarapyndan amala aşyryldy diýlip, habar berilýär.
Orsýetiň habar agentlikleri partlamanyň aeroportyň içinde, halkara geliş zalynda bolandygyny aýdýarlar.
“Domodedowo” paýtagt Moskwanyň üç sany esasy kommersiýa aeroportynyň iň köp gatnawlysydyr.