Sepleriň elýeterliligi

logo-print

Dünýä liderleri Bin Ladeniň öldürilmegini makullaýar


Dünýä liderleri Osama bin Ladeniň öldürilmegini makullamak bilen garşy aldylar. Pakistanyň “Taliban” topary bolsa, Pakistana we Birleşen Ştatlara hüjüm etmek bilen haýbat atýar.

BMG-niň Baş sekretary Ban Ki-mun Bin Ladeniň ölüminiň halkara terrorizme garşy göreşde “özgeriş pursady” bolandygyny aýtdy.

BMG-niň Howpsuzlyk Geňeşi düýnki geçiren ýörite sessiýasynyň dowamynda Bin Ladeniň öldürilmegini makullady. Howpsuzlyk Geňeşi “Al-Kaýda” terror toparynyň dünýä ýüzünde amala aşyran “wagşy hüjümlerini” ýatlap, bigünä adamlaryň öldürilmegini “hiç zadyň aklap bilmejekdigini” aýtdy.

Italiýanyň premýer-ministri Silwio Beluskoni hem Bin Ladeniň öldürilmegini “zalymlyga garşy göreşde uly ýeňiş” diýip häsiýetlendirdi.

Owganystanyň prezidenti Hamid Karzaý bu wakadan “Talibanlaryň” sapak almalydygyny we söweşlerini bes etmelidigini aýtdy.

“Tehrik-e-Taliban”, ýagny Pakistanyň “Taliban” hereketiniň metbugat wekili Ehsanullah Ehsan ýurduň hökümet resmilerine we harbylaryna, şeýle-de Birleşen Ştatlara garşy hüjümleriň amala aşyryljakdygy duýduryp, haýbat atdy.
XS
SM
MD
LG