Sepleriň elýeterliligi

Sudanyň prezidenti Omar al-Başir Hytaýa bardy


Halkara sudy tarapyndan genosidde aýyplanylýan Sudanyň prezidenti Omar al-Başir şu gün Hytaýa resmi sapara bardy.

Omar al-Başir düýn Hytaýa etmeli saparyny yza süýşüripdi. Sudanyň Daşary işler ministrligi munuň sebäbini onuň öz uçuş ýoluny üýtgetmeli bolandygy bilen düşündirýär.

Bu wakanyň öňýany ynsan hukuklaryny goraýjy halkara guramalary Sudanyň prezidentiniň Hytaýa çagyrylmagyna protest bildiripdiler.

Halkara sudy 2008-nji ýylda prezident Omar al-Başiri Sudanyň Darfur regionyndaky wakalar bilen baglanyşykly uruş jenaýatçylyklarynda we ynsanýete garşy jenaýat etmekde aýyplap, onuň tussag edilmelidigi barada karar çykarypdy.
XS
SM
MD
LG