Birleşen Milletler Guramasynyň Baş sekretary Pan Gi Mun Liwiýadaky konfliktiň netijesinde parahat ilatyň arasyndan ýitgileriň köpelýändigi baradaky habarlara özüniň aladasyny bildirdi. Bu maglumata NATO-nyň howa hüjümleri netijesinde öldürildi diýilýän parahat ýaşaýjylar baradaky maglumatlar hem girýär.
Pan Gi Mun belli bir tarapyň adyny tutmazdan, çaknyşyklarda “juda seresap” bolmaga çagyrdy. Ol ilki başda BMG-niň Howpsuzlyk geňeşi tarapyndan tassyklanan, Liwiýa boýunça geçirilýän harby-howa kampaniýasynyň tarapdary bolupdy.
Emma BMG-niň Howpsuzlyk geňeşiniň käbir agzalary, şol sanda Orsýet, Hytaý, Braziliýa, Hindistan we Günorta Afrika Muammar Kaddafiniň režimini nyşana alýan bu operasiýany tankytlaýar. Olaryň bellemegine görä, NATO-nyň alyp barýan harby hereketleri BMG-niň Rezolýusiýasynyň çäginden çykýar.
Özniň beýanatynda Pan harby çäreleriň Liwiýa krizisi boýunça çözgüt bolup bilmejekdigini, “atyşygy bes etjek syýasy prosesiň Liwiýada parahatçylygy we howpsuzlygy ornaşdyrmagyň ýeke-täk ýoludygyny” aýtdy.
Pan Gi Mun belli bir tarapyň adyny tutmazdan, çaknyşyklarda “juda seresap” bolmaga çagyrdy. Ol ilki başda BMG-niň Howpsuzlyk geňeşi tarapyndan tassyklanan, Liwiýa boýunça geçirilýän harby-howa kampaniýasynyň tarapdary bolupdy.
Emma BMG-niň Howpsuzlyk geňeşiniň käbir agzalary, şol sanda Orsýet, Hytaý, Braziliýa, Hindistan we Günorta Afrika Muammar Kaddafiniň režimini nyşana alýan bu operasiýany tankytlaýar. Olaryň bellemegine görä, NATO-nyň alyp barýan harby hereketleri BMG-niň Rezolýusiýasynyň çäginden çykýar.
Özniň beýanatynda Pan harby çäreleriň Liwiýa krizisi boýunça çözgüt bolup bilmejekdigini, “atyşygy bes etjek syýasy prosesiň Liwiýada parahatçylygy we howpsuzlygy ornaşdyrmagyň ýeke-täk ýoludygyny” aýtdy.