Sepleriň elýeterliligi

ÝB Orsýet sammitinde saýlaw meselesini galdyrmakçy


Ýewropa Bileleşigi şu hepde rus prezidenti Dmitriý Medwedew bilen boljak gepleşiklerde Orsýetiň parlament saýlawlary baradaky meseläni galdyrmagy planlaşdyrýar. Rus oppozisiýasy bu saýlawlaryň galplaşdyrylandygyny aýdýar.

ÝB-niň daşary syýasat başlygy Ketrin Aştonyň sözçüsi bu meseläniň şu hepdäniň çarşenbe we penşenbe günlerinde Brýusselde boljak ÝB-Orsýet sammitinde gozgalmagyna garaşýandygyny aýtdy.

Sözçi ÝB-niň Medwedewiň saýlaw galplyklary diýilýän barada derňew geçirmek kararyny gutlandygyny hem sözüniň üstüne goşdy.

Medewedew ýekşenbe güni resmilere 4-nji dekabrda bolan saýlawlarda ýol berildi diýilýän galplyklary barlamagy tabşyrdy. Ýöne ol saýlawlaryň gaýtadan geçirilmegi baradaky talaby ret etdi.
XS
SM
MD
LG