Sepleriň elýeterliligi

Soňky habar

Gazak oppozisiýasynyň agzalary prezidentiň partiýasyna geçýär


Gazagystanyň oppozision “Azat” partiýasynyň dört agzasy prezident Nursoltan Nazarbaýewiň “Ak Žol” partiýasyna girmek üçin arza berdi. Bu barada Azatlyk Radiosynyň Gazak gullugy habar berýär.

Olar 3-nji ýanwarda Astanada geçirilen metbugat konferensiýasynda “Azat” partýasy bilen ylalaşmaýandyklary üçin “Ak Žol” partiýasyna agza bolmagy karar edendiklerini aýtdylar.

Gazagystanda parlament saýlawlary geljek aýda geçiriler.

Ýurduň parlamentiniň aşaky öýüniň deputatlarynyň ählisi “Ak Žol” partiýasynyň agzasy we başga partiýalardan deputat ýok.
XS
SM
MD
LG