Sepleriň elýeterliligi

Türkmenistanda täze iki partiýa döredilip bilner


Türkmenistanyň häkimiýetleri “ýakyn geljekde” täze iki syýasy partiýanyň dörediljekdigini mälim etdiler. Bu hereket bilen ýurduň bir partiýalyk sistemasynyň soňuna çykmaklyk maksat edinilýär.

Wise-premýer Sapardurdy Toýlyýew agrar partiýany we telekeçileriň partiýasyny döretmek boýunça taýýarlyk işleriniň alnyp barylýandygyny aýtdy.

Bu plan amala aşyrylan ýagdaýynda ýurtdaky ýeke-täk partiýanyň – Türkmenistanyň Demokratik partiýasynyň dolandyryş düzgüniniň soňuna çykylmagynyň ähtimaldygy aýdylýar.

Şol bir wagtyň özünde-de, analitikleriň aýtmaklaryna görä, partiýalaryň döredilmeginde hökümetiň gatnaşygynyň bolmagy olaryň özbaşdak hereket edip biljegine uly şübhe döredýär.

Türkmenistan 1991-nji ýylda garaşsyzlygyny alany bäri berk awtoritar usulda dolandyrylyp gelinýän döwlet hökmünde tanalýar.

Türkmenistanda nobatdaky parlament saýlawlary 2013-nji ýyla bellendi.
XS
SM
MD
LG