Sepleriň elýeterliligi

Siriýanyň premýer-ministri ýurdy terk etdi


Siriýanyň hökümetiniň ýokary derejeli wekili Riýad Hijab

Siriýanyň hökümetiniň ýokary derejeli wekili Riýad Hijab

Siriýanyň döwlet telewideniýesiniň berýän maglumatyna görä, Riýad Hijabyň Iordaniýa gaçyp barandygy baradaky maglumatlaryň peýda bolmagy bilen, ol ýurduň premýer-ministri wezipesinden çetleşdirilipdir.

Adynyň tutulmagyny islemedik Iordaniýanyň resmisi Hijabyň öz maşgala agzalary bilen ýurda gelendigini tassyklady.

Riýad Hijabyň metbugat wekili Muhammet al-Atri Iordaniýadan “Al-Jazeera” telekanalynda Hijabyň adyndan beýanat bilen çykyş etdi.

Ol: Men [Riýad Hijab], ganly we terroristik režimiň düzümiden şu gün çykýandygymy mälim edýärin. Men azatlyk we adalat üçin oppozisiýanyň tarapyna geçdim. Şu günden başlap men rewolýusiýanyň esgerleriniň hataryndadygymy yglan edýärin” diýdi.

Al-Otriniň bellemegine görä, häzir Hijab we onuň maşgala agzalary “howpsuz ýerde” bolup, olaryň ýurtdan çykmagyna Siriýanyň azat armiýasy hemaýat edipdir.

Oppozisiýadaky Siriýanyň Milli geňeşiniň ýolbaşçysy Abdel Basset Saýda ozalky premýer-ministriň ýurtdan gaçmagynyň Başar al-Assadyň režiminiň “dargap başlandygyny” äşgär edýändigini aýtdy.

Mundan öň Hijab Siriýanyň oba-hojalyk ministri bolup, ol 23-nji iýunda ýurduň premýer-ministri wezipesine bellenilipdi.

Bu aralykda, duşenbe güni Damaskda telewideniýe binasynyň üçünji gatynda bomba partlady. Bu wakada azyndan üç kişiniň ýaralanandygyny ýerli media habar berýär.

Teswirleri görkez

XS
SM
MD
LG