Sepleriň elýeterliligi

Türkmen prezidentiniň ulag kerweni Türkiýede ýol heläkçiligine uçrady


Türkmenistanyň prezidenti Gurbanguly Berdimuhammedowy alyp barýan ulag kerweni 10-njy awgustda Türkiýäniň Izmir şäherinde ýol heläkçiligine uçrady.

Türkiýäniň “Dogan” habar agentliginiň beren maglumatyna görä, prezident Berdimuhamedowyň oturan ulagyna zeper ýetmändir.

Prezidentiň ulagynyň yzyndaky hatarda 20-nji bolup barýan maşyna zyýan ýetipdir.

Bu wakada delegasiýanyň düzümindäki adamlaryň käbirlerleri ýeňil ýaralandy diýip, habarda nygtalýar.

10-njy awgustda Gurbanguly Berdimuhamedowyň Türkiýä eden iki günlik sapary tamamlandy.

Türkmen prezidenti bu saparynyň çäginde Türkiýäniň prezidenti Abdylla Gül bilen bilelikde Izmir şäherinde ýerleşýän deňiz portlaryna aýlandy.
XS
SM
MD
LG