Sepleriň elýeterliligi

Owganystan: Karzaý howply ýagdaý sebäpli ABŞ-ny we NATO-ny tankytlaýar


Owganystanyň prezidenti Hamid Karzaý ýurtda güýjeýän howply ýagdaý sebäpli NATO-ny we ABŞ-ny tankytlady.

Penşenbe güni Amerikanyň NBC telekanalyna beren interwýusynda Karzaý Talybanlaryň hüjümleri bilen bir hatarda, howply ýagdaý NATO-nyň we ABŞ-nyň Owganystandaky gurluşlary tarapyndan döreýär diýip aýtdy.

Howpsuzlygy goraýan günbatarly hususy firmalaryň we şertnama esasynda iş alyp barýan kompaniýalaryň owganlylar bilen özlerini alyp baryşlary gahar-gazaby we howply ýagdaýy döredýär diýip, Karzaý belledi.

Şeýle hem Karzaý geçen ýyl ABŞ bilen strategiki hyzmatdaşlyk boýunça kabul edilen şertnamany ýerine ýetirmeýänlikde we ýurdunyň özbaşdaklygyny äsgermeýänlikde Waşingtony tankytlady.
XS
SM
MD
LG