Sepleriň elýeterliligi

Hindistanyň paýtagtynda protestler ikilenji gün dowam etdi


Hindistanyň paýtagty Nýu-Delide bir ýaş gyzyň jynsy taýdan köpçülikleýin zorlanmagyna garşy gahar-gazaply protestler ýekşenbe güni ýene ikilenji gün dowam etdi.

Nýu-Deliniň merkezine ýygnanan müňlerçe protestçi 16-njy dekabrda bir ýaş gyzy jynsy taýdan zorlap, ony we onuň duşuşýan ýigidini awtobusdan zyňan alty adama ölüm jezasynyň berilmegini talap edýärler.

Hepdäniň şenbe güni hem protestçiler Nýu-Delide “Zorlaýjylara ölüm!”, “Biz adalatlylygyň dabaralanmagyny isleýäris!” diýen ýaly şygarlar bilen çykyş etdiler.

Nýu-Deliniň keselhanasynyň resmileri jynsy taýdan zorlanan we awtobusdan zyňlan bu gyzyň häzirki wagt saglyk ýagdaýynyň agyrdygyny aýdýarlar.
XS
SM
MD
LG