Sepleriň elýeterliligi

Bin Ladeniň giýewisine sud ediler


Birleşen Ştatlaryň häkimiýetleri Osama bin Ladeniň giýewisi Sulaýman Abu Gaite anna güni Nýu-Ýorkda sud ediljekdigini mälim etdiler.

Belli bir döwürde “Al-Kaýda” guramasynyň sözçüsi bolup işlän Sulaýman Abu Gait ýakynda Iordanda tussag edilip, soňra Birleşen Ştatlara ekstradisiýa edilipdi. Onuň ozalbaşda Turkiýede tussag edilendigi habar berilýär.

ABŞ-nyň Adalat ministrligi Sulaýman Abu Gaite Birleşen Ştatlaryň raýatlaryny öldürmek boýunça dildüwşük gurnamakda jenaýat aýyplamasynyň bildirilýändigini mälim etdi.

Sulaýman Abu Gaitiň Kuweýtde doglandygy we onuň häzirki wagt 47 ýaşlaryndadygy aýdylýar.
XS
SM
MD
LG