Putin ABŞ Snowdeni Orsýetde gabady diýýär
Orsýetiň prezidenti Wladimir Putin Birleşen Ştatlary Amerikanyň gizlin maglumatlaryny syzdyran Edward Snowdeni Moskwadaky uçar meýdanyna gabap goýmakda aýyplady. Putin duşenbe güni, Orsýetiň fin aýlagyndaky Gogland adasyna sapara baranda şeýle diýdi: "Ol (Snowden) biziň territoriýamyza çakylyksyz geldi, biz ony çagyrmadyk. Onsoňam ol bize uçup gelmeýärdi, biziň üstümizden başga ýurtlara uçup barýardy. Emma ol asmana göterileninden bu belli boldy we biziň amerikan partnýorlarymyz, iş ýüzünde, onuň uçuşyny dowam etdirmeginiň öňüni bagladylar. Olaryň özleri beýleki ýurtlary gorkuzdylar." (Roýteriň wideosy)