Sepleriň elýeterliligi

HPF: 'Kiýew gazy gymmatlatmaly'


Halkara pul fondy Ukrainany ýurtda ulanylýan gazyň bahasyny ýokarlandyrmaga hem-de ukrain pulunyň has erkin söwdasyna ýol açmaga çagyrdy.

HPF-nyň missiýa ýolbaşçysy Nikolaý Gueorguew bu rekomendasiýalary penşenbe güni, Ukraina eden 12 günlük saparynyň ahyrynda berdi.

Ol Ukrainanyň töwerekleýin we ynamdar reformalary geçirip, ykdysadyýeti durnuklaşdyrmagynyň we ösüşi dikeltmeginiň zerurdygyny aýtdy.

Gueorguew öz beýanatynda döwlet eýeçiligindäki nebit-gaz kompaniýasy «Naftogazyň» ilata Orsýetden alýan gazyny öz satyn alan ýerinden arzan bahadan satmak praktikasyny soňlamagyna çagyrdy.

Şeýle-de ol Ukrainanyň milli pulunyň häzir, durunuklylyk alamaty hökmünde, Merkezi bankda sekiz hriwnia -bir dollar çemesinde saklanýandygyny, eger bu meselede çeýelik köpeldilse, munuň eksporta ýardam berjegini aýtdy.
XS
SM
MD
LG