Ispaniýanyň polisiýasy söweşijileri hakyna tutmakda we olary Liwiýadaky we Malidäki “terrorist guramalara” ugratmakda güman edilýän alty yslamçy söweşijini tussag etdi.
Ispaniýanyň Içeri işler ministrligi şübheli söweşijileriň 30-njy maýda amala aşyrylan reýdde howpsuzlyk güýçleri tarapyndan tussag edilendigini habar berýärler.
Ministrligiň berýän maglumatyna görä, tussag edilenleriň arasynda Malidäki “Al-Kaýda” bilen ilteşikli toparda türgenleşik lagerlerine gatnaşandan soň, yzyna Ispaniýa dolanan ispaniýaly söweşiji hem bar.
Ispaniýanyň hökümeti yslamçy söweşijileriň “Al-Kaýda” ilteşikli toparlaryň täsirindäki konfliktli territoriýalardan we Siriýadan yzyna Ispaniýa dolanmagynyň we ýurduň howpsuzlygyna wehim salmagynyň mümkindigi barada aladalaryny beýan etdi.
Ispaniýanyň polisiýasy 2004-nji ýylda Madridiň çetindäki otla amala aşyrylan terrorçylykly hüjümden bäri ýurtda söweşiji diýlip güman edilýän 470-den gowrak adamyň tussag edilendigini habar berýär. Şol hüjümde 191 adam ölüpdi.
Ispaniýanyň Içeri işler ministrligi şübheli söweşijileriň 30-njy maýda amala aşyrylan reýdde howpsuzlyk güýçleri tarapyndan tussag edilendigini habar berýärler.
Ministrligiň berýän maglumatyna görä, tussag edilenleriň arasynda Malidäki “Al-Kaýda” bilen ilteşikli toparda türgenleşik lagerlerine gatnaşandan soň, yzyna Ispaniýa dolanan ispaniýaly söweşiji hem bar.
Ispaniýanyň hökümeti yslamçy söweşijileriň “Al-Kaýda” ilteşikli toparlaryň täsirindäki konfliktli territoriýalardan we Siriýadan yzyna Ispaniýa dolanmagynyň we ýurduň howpsuzlygyna wehim salmagynyň mümkindigi barada aladalaryny beýan etdi.
Ispaniýanyň polisiýasy 2004-nji ýylda Madridiň çetindäki otla amala aşyrylan terrorçylykly hüjümden bäri ýurtda söweşiji diýlip güman edilýän 470-den gowrak adamyň tussag edilendigini habar berýär. Şol hüjümde 191 adam ölüpdi.