Gyrgyzystan gürjüstanly ady belli kanunlaşan ogra milli gyrgyz pasportynyň bikanun berilmegi boýuça derňewlere başlady.
Gyrgyzystanyň günortasyndaky Oş şäheriniň prokurory Atai Şakir Uulunyň Azat Ýewropa/Azatlyk Radiosyna 8-nji iýunda aýtmagyna görä, derňewleri geçirmek üçin ýörite derňewçi topar döredilipdir.
Gürjüstanly ady belli jenaýat ketdesi Remen ady bilen tanalýan Roman Barbakadze geçen aýda Ukrainada tussag edildi, onuň ýanynda 2012-nji ýylda Oş şäheriniň häkimiýetleri tarapyndan berilen gyrgyz pasporty tapyldy.
Pasportda Barbakadzeniň ady Ramin Alhozow diýilip görkezilýär. Barbakadze Tbilisiniň talaby boýunça Gürjüstana deportasiýa edildi.