“Ebola” wirusyna uçran ispaniýaly dindar Madridiň keselhanasynda ýogaldy.
75 ýaşly dinçi Miguel Pajares “Ebola” wirusyna uçran ilkinji ýewropaly. Şu güne çenli Gwineýada, Liberiýada, Sierra Leoneda we Nigeriýada “Ebola” wirusyndan jemi 1 000 çemesi adam ýogaldy.
Liberiýada hökümete degişli bolmadyk guramada işlän wagtynda wirusa uçran Pajares 7-nji awgustda öz ýurduna äkidilipdi.
Dünýä saglyk guramasy wirusyň ýokaşandygy tassyklanan ýa-da güman edilýän jemi 1 848 adamyň hasaba alnandygyny aýtdy.
Ölüme getirýän “Ebola” wirusynyň, gyzdyrma, gaýtarma we ganama ýaly simptomlary barada habar berilýär.
Keselçiligiň öňüni almak ýa-da ony bejermek boýunça tassyklanan usul ýok. Dünýä saglyk guramasy “Ebola” wirusyny halkara saglyk meselesinde adatdan daşary ýagdaý diýip atlandyrdy.