ABŞ-nyň söweş uçarlary Yragyň demirgazyk-günbatarynda sünni söweşijileriň barlag-geçiş nokatlaryna howadan dört sany zarba urdular.
ABŞ-nyň harbylarynyň 11-nji awgustda aýtmagyna görä, Sinjar şäheriniň daşynda amala aşyrylan hüjümler “Yslam döwleti” söweşjeň toparynyň barlag-geçiş nokatlaryny we golaýda duran ulaglaryny ýok edipdir ýa-da sandan çykarypdyr.
“Yslam döwletiniň” söweşijileri iýun aýynda başlan hüjümleriniň netijesinde Yragyň demirgazygynda we günbatarynda uly bölekleri basyp aldylar.
Geçen hepdede ABŞ-nnyň prezidenti Barak Obama ABŞ-nyň regiondaky bähbitlerini we wekillerini goramak maksatly howada zarba urmaga ygtyýar berdi.