Kiýew orsýetçi separatistleri, dokuz günlük ýaraşyga garamazdan, hökümet güýçlerine hüjümi ýygjamladyp, Ukrainanyň gowuşgynsyz parahatçylyk prosesine wehim salmakda günäledi.
Milli howpsuzlyk we goranyş geňeşiniň sözçüsi Wolodimir Polýowi 14-nji sentýabrda, ukrain harbylary Donetsk aeroportuna edilen hüjümi yzyna serpikdirendigini aýdandan bir gün soň, aýyplama bilen çykyş etdi.
Bu aýyplama premýer-ministr Arseniý Ýatsenýugyň dünýä liderlerini rus prezidenti Wladimir Putine ynanmazlyga çagyrmagynyň yz ýanyna gabat geldi. Ýatsenýuk Kremliň Ukrainany garaşsyz ýurt hökmünde ýok etmek isleýändigini aýdypdy.