Ukrainanyň prezidenti Petro Poroşenko reformalaryň giňişleýin planyny tanyşdyrdy. Onuň aýtmagyna görä, bu reformalaryň esasynda Ukraina alty ýylyň içinde Ýewropa Bileleşigine agzalylyga girmek üçin arza bilen ýüz tutup biler.
25-nji sentýabrda Kiýewde geçiren metbugat ýygnagynda Poroşenko orsparaz separatistler bilen baglanyşan parahatçylyk ylalaşygy gündogar Ukrainada bäş aý bäri dowam edýän konfliktiň “iň howply” böleginiň tamamlanandygyny aňladýar diýdi.
Şeýle-de, Poroşenko “Strategiýa 2020” diýlip atlandyrylan reforma planynyň 60 çemesi sosial we ykdysady özgertmeleri we programmalary öz içine alýandygyny belledi.