Orsýetiň Adalat ministrligi ýurduň Ýokary suduna garaşsyz hukuk topary bolan «Memorialy» ýapmak haýyşy bilen ýüzlendi.
Bu topary ýapmak baradaky sud diňlenişigi, Ýokary suduň websaýtynda aýdylmagana görä, 13-nji noýabrda geçirilmeli.
Bu şikaýat arzasy ministrlik tarapyndan 24-nji sentýabrda berlip, şol günüň ertesi hem kabul edildi diýip, RIA Nowosti we Interfaks habar gulluklary 10-njy oktýabrda ýazdy.
Rus prokurorlary biraz öň «Memorialy» Orsýetiň täze kanuny esasynda, «daşary ýurt agenti» hökmünde resmi hasaba aldyrjak boldular. Emma Moskwa sudy bu talaby ret etdi.
«Memorial» 1980-nji ýyllaryň ahyrynda sowet döwrüniň dissidentleri tarapyndan döredilipdi.