Bir ýyllap dowam eden syýasy bulaşyklygy we orsýetçi separatistlere garşy birnäçe aýlap dowam edýän uruşy başdan geçirýän Ukrainada parlament saýlawlarynda Ýewropa tarapdar partiýalar ýeňiş gazandy.
Ses berişligiň 27-nji oktýabrda yglan edilen käbir netijeleri ýurduň premýer-ministri Arseniý Ýatsenýugyň “Halk frontunyň” we prezident Petro Poroşenkonyň blogynyň 21.6% we 21.51% netijeler bilen öňe çykandygyny görkezdi.
Premýer-ministr Ýatsenýuk "täze koalisiýa ÝB bilen assosiasiýa barada ylalaşyga daýanýar”, diýip belledi.
Poroşenko 26-njy oktýabrda milli telewideniýede görkezilen çykyşynda ses berijileriň “Ukrainanyň Ýewropa tarap ýoluna berk we gaýduwsyz” goldaw bildirendigini aýtdy. Şeýle-de Poroşenko saýlawlaryň ýurduň gündogaryndaky konfliktiň “syýasy usul bilen” soňuna çykylmagyna goldaw görkezendigini belledi. Konflikt zerarly aprel aýyndan bäri 3700 çemesi adam wepat boldy.