Sepleriň elýeterliligi

“Orsýet Ýewropaçy ýurtlara basyş edýär”


Germaniýanyň kansleri Angela Merkel, Berlin, 5-nji dekabr, 2014.

Germaniýanyň kansleri Angela Merkel, Berlin, 5-nji dekabr, 2014.

Germaniýanyň kansleri Angela Merkel Orsýeti Ýewropa Bileleşigi bilen ýakynlaşmaga çalyşýan Gündogar Ýewropa ýurtlarynyň içerki işlerine goşulmakda aýyplady.

Merkeliň 7-nji dekabrda Germaniýanyň "Die Welt am Sonntag" neşrine aýtmagyna görä, Moldowa, Gürjüstan we Ukraina ÝB bilen Assosiasiýa barada ylalaşyga gol çekmek barada karara gelensoň, “Orsýet bu ýurtlaryň üçüsine-de problema döredýär”.

Merkel Moldowanyň Pridnestrowýe, Gürjüstanyň Abhaziýa we Günorta Osetiýa regionlaryndaky “doňan konfliktlere”, şeýle-de Orsýetiň gündogar Ukraina goşulmagyna ünsi çekdi.

Orsýet Moldowanyň Ýewropa tarap barýan ugruna nägilelik bildirip, Moldowanyň çakyr, gök we et önümlerine gadagançylyk girizdi.

Şeýle-de Merkel Moskwany Günbatar Balkan döwletlerini özüne ykdysady taýdan garaşly etmäge we öz täsirini artdyrmaga synanyşmakda aýyplady.

XS
SM
MD
LG