“Reporters Without Borders” (RWB), ýagny “Serhetsiz reportýorlar guramasy” geçen ýylyň dowamynda öz wezipesini ýerine ýetirýän döwürde 66 žurnalistiň öldürilendigini habar berýär. Bu san 2013-nji ýyl bilen deňeşdirilende žurnalistleriň öldürilmeginiň 7% pese gaçandygyny görkezýär.
Emma şol bir wagtyň özünde gurama Siriýada žurnalistleriň kelleleriniň kesilmegi, olaryň konfliktli sebitlerde maglumat taýýarlamakda güýçli howp bilen ýüzbe-ýüz bolýandygyna ünsi çekdi diýýär.
16-njy dekabrda çap edilen raportda geçen ýylyň dowamynda 119 žurnalistiň alnyp gaçylandygy bellenilip, bu wakanyň 2013-nji ýyl bilen deňeşdirilende 37% artandygy nygtalýar.
Şeýle-de, raportda žurnalistler üçin iň howply ýurtlaryň Siriýa, Palestina, Ukraina we Yrakdygy bellenilýär.