Türkmenistanyň öňki prezidenti merhum Saparmyrat Nyýazowyň şahsyýet kultunyň täsiriniň ozalky ýyllarda iň güýçli duýulan ýerleriniň biri orta mekdeplerdi. Türkmen okuwçylary prezidentiň “Ruhnama” eserini hökmany suratda jikme-jik öwrenmäge, synagdan geçmäge mejbur bolupdy, prezidentiň mekdeplerde goýlan býust heýkelleriniň öňünde günde başyny egip, hormat bildirip geçmek ýaly düzgünlere tabyn edilipdi.
Şu günki gün Saparmyrat Nyýazowyň aradan çykmagyna 8 ýyl geçensoň, onuň şahsyýet kultundan orta mekdeplerde näme saklanyp galdy?
Bu sowala türkmenistanly ýazyjy Amanmyrat Bugaýew jogap berýär.