Owganystanyň Içeri işler ministrliginiň metbugat-wekili Owganystanyň demirgazygynda, esasan-da, Türkmenistan bilen serhetdeş welaýatlarda ýagdaýyň dartgynlaşmagyna aladalanma bildirdi.
Soňky günlerde bu regionda “Talybanyň” we beýleki ýaragly toparlaryň hüjümleriniň güýçlenmegi bilen bir wagtda ýerli etnik türkmenleriň Türkmenistanyň serhetde bent we garym ýaly böwetleri dikmek çärelerine bildirýän nägileligi hem güýçlendi.
Azatlyk Radiosynyň Owganystandaky habarçysy Şamerdanguly Myrady soňky ýagdaýlar barada gürrüň berýär.
