AÝ/AR-nyň Baku býurosynyň işgärleri ýakynda edara Azerbaýjanyň resmileri tarapyndan reýd geçirilip, kompýuterleri äkidileli bäri öz elektron adresleriniň döwlüp, keseden girlendigini aýdýarlar.
Bu, AÝ/AR-nyň Azerbaýjan gullugyna garşy hökümet tarapyndan edilýän basyşlar bilen bagly soňky waka.
26-njy dekabrda prokuraturanyň derňewçileri AÝ/AR-nyň Bakudaky býurosyna reýd geçirip, kompýuterleri we beýleki gurallary ele salyp, edarany möhürläpdi.
Şondan bäri AÝ/AR-nyň häzirki we öňki işgärlerinden 20-den gowragy ýa saklandy, ýa-da prokurorlar tarapyndan soraga çekildi.
Hökümetiň Azatlyk Radiosyna görkezýän gysyşy ýurtda garaşsyz žurnalistlere, aktiwistlere we häkimiýetleri tankyt edýän hökümete degişli bolmadyk guramalara basyşyň çäginde amala aşyrylýar.