Aşgabadyň protokol köçelerindäki, hususanda Parahat 2 mikroraýonyndaky käbir jaýlaryň daşyny ak mermere çalymdaş serişde bilen örtmek işleriniň mundan bir aý ozal togtadylandygy habar berilýär. Munuň bilen birlikde bejergi işleriniň gaýtadan haçan başlajakdygy we onuň näçe wagt dowam etjekdigi barada resmiler tarapyndan maglumat berilmeýändigini bu sebitiň ýaşaýjylary belleýärler.
Azatlyk Radiosy bu ýagdaýyň ýaşaýjylara ýetirýän täsirleri bilen gyzyklanyp, Aşgabadyň ýaşaýjysy ýazyjy Amanmyrat Bugaýew bilen söhbetdeş boldy.
