Gazagystanyň hökümeti, dünýä bazarlarynda nebitiň bahasynyň kesgin aşak gaçmagy bilen baglylykda, özüniň 2015-17-nji ýyllar üçin býujetine gaýtadan sereder.
Milli ykdysadyýet ministri Ýerbolat Dosaýew 16-njy ýanwarda dolandyryjy Nur-Otan partiýasynyň ýygnagynda täze býujetiň nebitiň her barreliniň 50 dollar bahalanmagy esasynda hasaplanjagyny aýtdy.
Gazak prezidenti Nursoltan Nazarbaýew 15-nji ýanwarda «biz öz býujetimize biraz öň gaýtadan seretdik, emma zerur bolsa, biz oňa ýene gaýtadan serederis» diýdi.
Şeýle-de Nazarbaýew "Gazagystanlylaryň ählisiniň bilmegi gerek, biz öz çykdajy harajatlarymyzy azaldýarys» diýdi.