Şu gün, ýagny 21-nji ýanwarda Owganystanyň prezidenti Aşraf Gani resmi sapar bilen Türkmenistanyň paýtagty Aşgabada bardy. Owganystanyň Daşary işler ministrliginiň metbugat sözçüsi Serujulhak Serajyň aýtmagyna görä, Ganiniň bu saparynyň dowamynda beýleki meseleler bilen bir hatarda howpsuzlyk meseleleri hem maslahat ediler.
Şol bir wagtyň özünde owgan prezidenti Ganiniň Türkmenistana edýän bu saparynyň dowamynda Owganystanyň Türkmenistan bilen serhetdeş Garkyn etrabynyň ýaşaýjylary Amyderýanyň öz akymyny üýtgetmegi netijesinde dörän dawaly adanyň hem maslahat edilmegine we bu mesele dogrusynda çözgüde gelinmegine garaşýarlar.
Bu barada Azatlyk Radiosynyň Kabuldaky habarçysy Şamerdanguly Myradynyň taýýarlan maglumatyny diňlemek üçin aşakdaky düwmä basyň.
