Gündogar Ukrainanyň Donestk regionyndaky orsparaz separatistleriň lideri bu sebitdäki separatist güýçleriň tutuş welaýatyň kontrollugyny öz gözegçiligine geçirmäge synanyşjakdygyny we olaryň hökümet güýçleri bilen parahatçylyk gepleşiklerine başalamajakdygyny aýtdy.
Öz-özüni ykrar eden “Donetsk halk respublikasynyň” lideri Aleksandr Zaharçenkonyň eden bu çykyşy soňky birnäçe günüň dowamynda ukrain güýçleri bilen orsparaz separatistleriň arasynda bolan güýçli çaknyşyklardan soň, parahatçylyk perspektiwalaryna has-da kölege saldy.
“Biz Donetsk oblastynyň serhedine çenli aralaşarys” diýip, 23-nji ýanwarda Russiýanyň “Interfax” habar gullugy Zaharçenkonyň studentlere ýüzlenip eden çykyşyna salgylanyp belleýär.
Şeýle-de, Zaharçenko: “Biz ýaraşyk ugrunda gepleşikleri geçirmäge synanyşmarys” diýdi.