Birleşen Ştatlaryň prezidenti Barak Obama Alabamada adam hukuklaryny goraýjy aktiwistleriň graždan hukuklarynyň goragyna geçiren aýgytly Selma ýörişiniň 50 ýyllyk dabarasyna gatnaşyp, olary amerikan ruhuna siňen «gahrymanlar» diýip atlandyrdy.
Obama 7-nji martdaky Hakyda ýygnanyşygynda geçen 50 ýylyň dowamynda köp zadyň özgerendigini, emma kiçijik bir şäherde ýarym asyr mundan öň bolan wakalaryň ýer ýa-da wagt çägine sygmaýandygyny aýtdy.
«Biz ol ýörişiň entek tamamlanmandygyny bilýäris» diýip, Obama Selmanyň Edmund Pettus köprisinde, Alabama polisiýasynyň 1965-nji ýylyň 7-nji martyndaky demonstrantlara dürre, göz ýaşardyjy gaz bilen hüjüm eden ýerinde aýtdy.
Şonda aktiwistler Alabama ştatynyň paýtagty Montgomerä ýöriş edip, saýlaw hukuklaryny talap etmekçi bolupdylar.