Gazagystanyň sudy gazaklaryň adyna kemsidiji sözleri we ýurduň Orsýetiň bölegi bolmalydygyny aýdan etnik ors zenany etnikara duşmançylygy tutaşdyrmakda günäli tapdy.
31-nji martda karar çykarmak bilen tamamlanan sud diňlenişigi Orsýetiň Ukraina goşulyşmagy bilen baglylykda Gazagystanyň howpsuzlygyna bildirilýän aladalanmalaryň üstüni açdy.
Almatynyň sudunyň çykaran kararyna laýyklykda, Gazagystanyň raýaty Tatýana Şewtsowa-Walowa dört ýyllyk şertli tussaglyga höküm edilýär.
Derňewçileriň aýtmagyna görä, zenan Facebookdaky sahypasynda gazaklary kemsidiji söz bilen häsiýetlendiripdir we Gazagystanyň Orsýetiň bölegi bolmalydygyny aýdypdyr. Zenanyň özi günäni ret edýär.