Soňky döwürde Lebap welaýatynyň Garaşsyzlyk etrabynda elektrik togunyň ýygy-ýygydan kesilip durýandygy habar berilýär. 50 müň çemesi ilatly bu etrapda soňky 15 günüň dowamynda elektrik togy aýry-aýrylykda üç gezek kesildi. Toguň kesiljekdigi barada öňünden duýduryş berilmändigi sebäpli, bu ýagdaýyň ilatyň durmuşynda käbir bökdençlikleri döredendigi aýdylýar.
Azatlyk Radiosynyň Lebap welaýatyndaky habarçysy Osman Hallyýew elektrik togunyň ýygy-ýygydan kesilmegi we onuň ilata ýetirýän täsirleri barada maglumat taýýarlady.
