ABŞ-nyň prezidenti Barak Obama telefonda Saud Arabystanynyň patyşasy Salman bilen gepleşip, Ýemendäki ýagdaýlar barada maslahat etdi.
Ak tam Obama bilen Salman patyşanyň Ýemende, huti pitneçileriniň prezident Abd-Rabbu Mansuryň tarapdarlaryna garşy söweşýän ýerinde durnukly parahatçylyk gazanmak üçin syýasy çözgüt tapylmagy barada ylalaşandyklaryny aýtdy.
Eýran 17-nji aprelde BMG-ni Ýemene edilýän «manysyz tapgyrlaýyn hüjümleri», ýagny Saud Arabystanynyň ýolbaşçylygyndaky howa zarbalaryny soňlajak bolmaga çagyrdy.