«Talyban» jeňçileri gündogardaky Paktia welaýatynyň ýollaryny bagladylar we azyndan 30 ýolagçyny ýarag astynda alyp gaçdylar. Biraz soň olaryň köpüsi polisiýa tarapyndan azat edildi.
Paktianyň welaýat polisiýasynyň başlygy Zalma Orýakhaýl 16-njy maýda Azatlyk radiosyna ýesirleriň altysyndan başgasynyň azat edilendigini aýtdy.
Ol alnyp gaçylanlaryň hemmesiniň asuda, garyp adamlar bolandygyny, olaryň arasynda hökümet işgäriniň ýokdugyny aýtdy.
16-njy maýda Saýad Karm etrabynda guralan adam alyp gaçmagyň jogapkärçiligini «Talyban» öz üstüne aldy.