Sepleriň elýeterliligi

Pakistanlynyň kellesi kesildi


Saud Arabystany neşe gaçakçylygy bilen baglanyşykly ölüm jezasyna höküm edilen pakistanly raýatyň kellesini kesdi.

Saud Arabystanynyň Içeri işler ministrliginiň 17-nji maýda beren maglumatyna görä, munuň netijesinde şu ýyl şalykda dardan asylan tussaglaryň sany 84-e ýetdi.

Ministrligiň beýanatynda aýdylmagyna görä, Iftihar Ahmed Mohammed Anaýat Saud Arabystanyna öz aşgazanyna ýerleşdirilen şarlar arkaly geroin getirmäge synanyşmakda günäli tapylypdyr.

Anaýat Gyzyl deňziniň kenaryndaky Jeddah şäherinde höküm edilipdi.

2014-nji ýylda adam hukuklaryny goraýjy “Amnesty International” guramasy Saud Arabystanyny dünýäde tussaglary ölüm jezasyna iň köp höküm edýän üç ýurduň arasynda ýerleşdiripdi.

XS
SM
MD
LG