Geçen hepde Balkan welaýatynyň Nebitdag şäherindäki lomaý söwda bazarynyň ýapylýandygy aýdylyp, bu bazaryň söwdagärlerine Nebitdag bilen Jebeliň arasynda gurlan “Gündogar” atly täze bazara göçmekligiň tabşyrylandygyny habar beripdik.
Bu bazaryň käbir söwdagärleri Azatlyk Radiosyna beren maglumatlarynda özlerine köne bazardaky dükan ýerleri üçin kompensasiýanyň berilmeýändigini we täze bazarda hödürlenýän dükanlaryň hem öz söwdalary üçin amatly däldigini aýdypdylar.
Eýse, Balkan welaýatyndaky lomaý bazaryň ýapylmagy bilen baglanyşykly ýagdaýda täzelik barmy?
Azatlyk Radiosy bu mesele bilen gyzyklanyp, aşgabatly graždan aktiwisti Nurberdi Nurmämmedow bilen söhbetdeş boldy.
