FIFA, ýagny Halkara futbol federasiýasy Birleşen Ştatlaryň korrupsiýa derňewleri bilen baglanyşykly 10 million amerikan dollary möçberindäki tölege öz Baş sekretarynyň gatnaşygynyň bardygy baradaky maglumatlary ret etdi.
FIFA-nyň Maliýe komitetiniň başlygy tarapyndan ygtyýarlandyrylan tölegde Jerome Walkeniň (Jerome Valcke) hiç hili roly ýok diýip, Halkara futbol federasiýasynyň 2-nji iýunda ýaýradan beýanatynda bellenilýär.
“New York Times” neşiriniň berýän maglumatyna görä, Birleşen Ştatlaryň hukuk goraýjy resmileri 2008-nji ýylda Walkeniň gürrüňi edilýän möçberdäki pul serişdesini Jak Warner (Jack Warner) tarapyndan dolandyrylýan bank hasabyna geçirendigine ynanýarlar.
Warner FIFA-nyň ýokary derejeli öňki resmisi bolup, ol häzirki wagtda Birleşen Ştatlarda korrupsiýa aýyplamalary bilen ýüzbe-ýüz bolýar.