Türkiýäniň prezidenti Rejep Taýyp Erdoganyň partiýasy soňky 13 ýylyň dowamynda ilkinji gezek saýlawlarda ses köpçüligini elden berdi.
7-nji iýunda sesleriň tas ählisiniň sanalmagynyň netijesinde “Adalat we ösüş” partiýasy sesleriň 41%-ne eýe bolup, 2011-nji ýylyň görkezijisine ýagny 50% ýetip bilmedi.
“Adalat we ösüş partiýasy” indi 550 orunlyk parlamentde 258 orun eýeläp biler. Onuň 2002-nji ýyldan soňky döwürde bolşy ýaly ýeke partiýaly hökümeti düzmek üçin ýene 18 orun ýetmeýär.
Bu netijeler prezidentiň ygtyýarlygyny artdyrmak ugrunda hereket edýän “Adalat we ösüş” partiýasynyň planlaryna garşy çykýar.
8-nji iýunda Türkiýänuň milli puly lira dollar babatynda öz hümmetiniň 4%-ni ýitirdi