Sepleriň elýeterliligi

Abbot jyhatçylar bilen söweşe çagyrýar


Awstraliýanyň premýer-ministri Toni Abbot Ýuwaş Okean ýurtlaryny jyhatçy toparlara garşy söweşe çagyrdy, ol munuň sebitiň iň uly howpsuzlyk synagydygyny aýdýar.

Abbot 11-nji iýunda Sidniýde terrorçylar propagandasyna garşy guralan konferensiýa ýüzlenip, «Yslam döwleti» toparyny «global ambisiýaly ölüm külty» diýip atlandyrdy.

«Siz munuň ýaly bir gurama bilen gepleşip-düşinişip bilmersiňiz, diňe söweşip bilersiňiz» diýip, ol aýtdy.

Bu konferensiýa 25 ýurtdan ministrler, şol sanda "Google", "Facebook", "Twitter" ýaly sosial ulgamlaryň, metbugat neşirleriniň ýolbaşçylary gatnaşdy.

Awstraliýa özüniň 100-den gowrak raýatynyň Siriýadaky we Yrakdaky jeňçi toparyň hatarynda söweşýändigini aýdýar.

XS
SM
MD
LG