Lebap welaýatynyň Türkmenbaşy etrabynyň Dostluk şäherçesiniň ýaşaýjysy 2008-nji ýyldan bäri öz oglunyň işe ýerleşip bilmeýändigini habar berýär. Jumaýew Aşyr öz maşgalasynda diňe oglunyň işe ýaramlydygyny aýdýar, emma ony işe ýerleşdirmek üçin bolsa para bermeli bolýandygyny belleýär.
Dostluk şäheriniň ýaşaýjysy Jumaýew Aşyr ogluny işe ýerleşdirmek üçin ýazan arzalarynyň sanynyň iki halta ýetendigini aýdyp, iň soňky çykalga hökmünde Azatlyk Radiosyna ýüz tutandygyny nygtaýar.
Azatlyk Radiosy Jumaýew Aşyr bilen habarlaşyp, onuň bu mesele barada başdan geçirýän kynçylyklary barada söhbetdeş boldy.
