ABŞ-nyň Döwlet departamenti Eýrana garşy adam hukuklary meselesinde girizilen sanksiýalaryň, islendik ýadro ylalaşygyna garamazdan, saklanyp galjagyny aýdýar.
Döwlet sekretarynyň demokratiýa, adam hukuklary we zähmet boýunça kömekçisi Tom Malinowskiý bu pikiri 25-nji iýunda, Döwlet departamentiniň täze hasabatynyň tanyşdyrylyşynda aýtdy.
“Eýran bilen dünýäniň alty döwletiniň arasynda geçirilýän gepleşikleriň netijelerine garamazdan, eger ylalaşyk esasynda sanksiýalar ýatyrylsa hem, adam hukuklary boýunça girizilen sanksiýalar saklanyp galar” diýip, täze hasabatyň esasy faktorlarynyň biri bolan Malinowskiý aýtdy.
Şeýle-de ol Waşingtonyň Eýranda 2014-nji ýylda, geçen ýyllar bilen deňeşdirilende, uly ilerleme görmändigini belledi.