Sepleriň elýeterliligi

Hytaý: Täze bakyň açylyşyna gol goýuldy


Russiýanyň maliýe ministriniň orunbasary Sergeý Storçak resminama gol goýýar. 29-njy iýun, 2015 ý. Hytaýyň paýtagty Pekin.

Russiýanyň maliýe ministriniň orunbasary Sergeý Storçak resminama gol goýýar. 29-njy iýun, 2015 ý. Hytaýyň paýtagty Pekin.

Hytaýda täze halkara maliýe instituty – Aziýa Infrastruktura bankyny açmak boýunça gol goýmak dabarasy amala aşyryldy. Bu bank Dünýä banky we Aziýa Ösüş banky bilen bäsleşer.

29-njy iýunda Pekinde Aziýa Infrastruktura bankyna agza 57 ýurduň wekilleri duşuşdylar we her biriniň bu bankdaky paý bölegini kesgitleýän resminama gol goýdular.

Hytaý Aziýa Infrastruktura bankynyň başlangyç maýa goýumynyň 30%-ni üpjün eder we ol ses bermek ukybynda 26% paýa eýe bolar.

Hindistan bu bankyň maýa goýumynyň 8,4%-ni, Russiýa 6,55%-ni üpjün edýär.

Awstraliýa, Britaniýa, Germaniýa we Günorta Koreýa bu banky döreden ýurtlaryň arasyndadyr.

Bu banka agza bolmadyk iň güýçli ýurtlaryň arasynda Birleşen Ştatlar we Ýaponiýa bar.

XS
SM
MD
LG