Sepleriň elýeterliligi

Russiýa Baltika ýurtlaryna gaýtadan seredýär


Russiýanyň Baş prokuraturasy Baltika ýurtlaryna 1991-nji ýylda Sowet Soýuzyndan garaşsyzlyk berilmeginiň kanunylyk ýagdaýyna gaýtadan seredýär diýip, 30-njy iýunda prokuraturanyň metbugat wekili aýdýar.

Bu hereket Russiýanyň Baş prokuraturasy 1954-nji ýylda Krymyň Ukraina bikanun berlendigi barada geçen ýyl karar çykarmagynyň yzýanyna gabat geldi. Şol bir wagtyň özünde bu ädim öňki sowet ýurtlary - Litwada, Latwiýada we Estoniýada hem howsala döretdi.

Şeýle-de, bu ädime Litwanyň prezidenti Dalia Gribauskaýte gahar-gazaply reaksiýa berdi: “Hiç kim bize haýbat atyp bilmez. Biziň garaşsyzlygymyz Litwanyň halkynyň gan döküşligi we pida bolmagy esasynda gazanyldy ” diýdi.

“Bitewi Russiýa” partiýasyndan iki kanunçykaryjy ýurduň prokurorlaryna eden şikaýatynda Latwiýa, Litwa we Estoniýa Sowet Soýuzyndan garaşsyzlyk berilmegi barada Sowet Soýuzynyň Döwlet geňeşi tarapyndan çykarylan kararyň bikanundygyny öňe sürýär.

XS
SM
MD
LG